夢中花（上）

二絃

男：自從吂識來妹家 看若恁靚遊遊野 阿妹姻緣有哥份 賣煙嫦娥分若話
女：阿哥生來毋成靚 蹬頭毋倒重頭輕 阿妹姻緣無若份 毋敢敗壞哥名聲
男：阿妹生來恁斯文 恰似天上五色雲 人才蓋忒全世界 難怪阿哥認真問
女：看哥實在毋成人 頭戇尾著緊看若 阿妹姻緣無若份 莫來為花損精神
男：八月裏係中秋來 世上風流日日有 風流吂係哥造个 自古流傳天下有
女：八月裏又係中秋 郎送月餅到若手 妹盼呀盼對哥講 婚姻兩字莫強求
男：一頭榕樹九條根 兩條永遠食樹蔭 看來阿妹恁青春 大約吂敢嫁別人
女：這位青年真癡哥 莫來對涯恁囉唆 老妹親事若莫想 無願分若做祖婆
男：園肚落水有天雨 阿妹愛無自由若 十七十八吂出嫁 郎歸青年少若雨
女：阿哥實在毋知衰 上求下託來做媒 人人講若溜痞子 請問訂金對奈來

漢族音樂

歌謠

音樂欣賞

漢人

客家音樂有聲資料蒐集暨數位化計畫