夢中花（下）

二絃

男：思想阿妹實在難 事業放忒兩三年 月光就來夜夜烏 仰般分妹看無緣
女：阿哥講話最無聊 講妹婚姻試鹹淡 見若盡像山猴精 隔遠看到人就驚
男：阿妹仰般緊講吂 大約留來買零星 「夜米」兩事毋好做 到了正知無時行
女：眼前擴張將府娘 大約真是有時長 人人講若像癲狗 前世燒个倒頭香
男：阿妹吂使恁可恨 阿哥起等三層樓 來世分哥做哺娘 今朝食使吂使愁
女：阿哥講話真寡顏 一句春來有錢娘 若个身分妹了解 到處同若做長年
男：三想連妹實在難 口水講燥毋會贏 竹篙拿來撞豆腐 枉費心機日夜纏
女：好狗毋睡路中央 好妹毋嫁本庄郎 有錢毋糶本庄米 甘願揩籮出外賣
男：阿妹講話真可恨 百事好賺三光田 一冬割無兩籮榖 佬若種榖並工錢
女：阿哥實在無時閒 膝頭打擋無腳囊 每日食無三兩米 莫想結婚有較贏

漢族音樂

歌謠

音樂欣賞

漢人

客家音樂有聲資料蒐集暨數位化計畫